صرخة طفل عربى ................. أفكار .... فاروق إبراهيم .... من مصر

صرخة طفل عربى

.................
ليه إختلف الجميع ؟
وسابونا فى حروب نضيع
واحنا فلذه كبدهم
إحنا الحلم الرضيع

كل واحد له فصيل - ممكن غبى وممكن وضيع
ماشى وراه زى العويل - ممكن لأى شىء يبيع

بشعارات عمال يهاتى - وسابنى بجوعى وأهاتى
الجوع يهد حيلى - ينهشنى أنا واخواتى

وإتبع غبى ورزيل - قلبه إسود كإنه ليل
حتى القتل عنده عادى - مليان حقد مالوش مثيل

الكل حمل السلاح - بالزور أعلنتو الكفاح
رفعتو على بعض الأيادى - السلام ما بينكو راح

الغضب بقى نار بركان - والهوا دخان ونيران
وشيطان فيكم بينادى - وجثث مرميه ف كل مكان

قتلتو بينكم الأمان - فرقتو كل الأديان
شمتو فيكم الأعادى - نسيتو وحدة المكان

دوستو على عشرة زمان - دمكم على بعض هان
خسرتونى أمنى وبلادى - فرحتو فيكو اللى خان

الحروب صبحت وباء - ماتت بينكم الأخلاق
واحنا بندفع التمن - ياترى ذنب ولا ابتلاء

نفسى أخلص من السلاح - واعيش فى الدنيا البراح
أتمتع بعمرى وحياتى - تتداوى كل الجراح

عيونى تشوف الصباح - ألاقى نوره فى وشى لاح
تتحقق كل الأمانى - فرحى يبقى شىء متاح
.................
أفكار .... فاروق إبراهيم .... من مصر